დეგნანი – კანონის უზენაესობა და მიუკერძოებელი სასამართლო სისტემა არის წინაპირობა ნატო-სა და ევროკავშირში გაწევრიანების

მოხარული ვარ, მოსამართლეებმა გააკეთეს კომენტარი, რომ სასამართლო სისტემის გაუმჯობესების მიმართულებით, ისინი მზად არიან, ითანამშრომლონ ყველასთან, – ამის შესახებ საქართველოში ამერიკის შეერთებული შტატების ელჩმა, კელი დეგნანმა განაცხადა.

როგორც კელი დეგნანმა აღნიშნა, კანონის უზენაესობა და მოუკერძოებელი სასამართლო სისტემა არის წინაპირობა ნატო-სა და ევროკავშირში გაწევრინებისა.

„მოხარული ვარ, მოსამართლეებმა გააკეთეს კომენტარი, რომ ისინი მზად არიან, ითანამშრომლონ ყველასთან სასამართლო სისტემის გაუმჯობესების მიმართულებით. ზუსტად ამას ვაკეთებთ აშშ-ს საერთაშორისო პარტნიორები ბოლოს 25 წლის განმავლობაში, რადგან კანონის უზენაესობა და მიუკერძოებელი სასამართლო სისტემა არის წინაპირობა ნატო-სა და ევროკავშირში გაწევრიანებისა. პოლიტიკურმა პარტიებმა და მათმა პოლიტიკურმა ლიდერებმა ასევე განაცხადეს თანხმობა ამ საკითხზე, რომ მნიშვნელოვანია და უნდა განხორციელდეს ფართო ინკლუზიური დებატი სასამართლო რეფორმისა და შემდგომში რეფორმის განხორციელება. ზუსტად ამისი გზამკვლევი არის მოცემული 19 აპრილის შეთანხმებაში, რომელსაც მხარეებმა ხელი მოაწერეს, რომელიც ასევე გულისხმობს დანიშვნის პროცესის დროებით შეჩერებას, ვიდრე ეს ფართო და ინკლუზიური დებატი და მსჯელობა განხორციელდება სასამართლო სისტემის გასაძლიერებლად. იმედი გვაქვს, რომ უკვე სამუშაო ჯგუფებში იქნება ამ ტიპის დებატები, რომელიც მოიცავს ყველა დაინტერესებულ მხარეს, პოლიტიკურ პარტიებს, სამოქალაქო საზოგადოებას, პროფესიულ ორგანიზაციებსა და შესაბამისად, მოხდება სასამართლოს სისტემის გაუმჯობესებაზე მსჯელობა, ეს ყველაფერი მოცემულია 19 აპრილის შეთანხმებაში.

იუსტიციის უმაღლესმა საბჭომ წარმოადგინა კანდიდატთა სია, თუმცა ახლა პარლამენტზეა დამოკიდებული და მათი უფლებამოსილებაა, რამდენად შესრულდება 19 აპრილის შეთანხმება, სადაც მკაფიოდ არის გაწერილი, რომ უნდა მოხდეს ფართო მსჯელობა და დისკუსია. ამისთვის მოცემულია გზამკვლევი და იქ არის მესამე, მეოთხე რეფორმების ტალღების შეფასება განხორციელდეს და დაიგეგმოს შემდგომი ნაბიჯები, რაც იქნება საერთო შეთანხმების საგანი. ზუსტად ამაზე შეთანხმდნენ პოლიტიკური პარტიები, ამაზე მოაწერეს ხელი, ახლა პარლამენტზეა დამოკიდებული ეს საკითხი“, – განაცხადა კელი დეგნანმა.

რეკლამის ბანერი
წინა სტატიაშიკახა კალაძე – თუ არ არსებობს სწორი მართვა და მენეჯმენტი, რა თქმა უნდა, პროექტების განხორციელება შეუძლებელია
შემდეგი სტატიაელისაშვილი – საჭიროა არა ფართხაფურთხით მიღებული გადაწყვეტილებები, არამედ ფუნდამენტური რეფორმა