“დედოლარიზაცია ჩვენთვის უალტერნატივო გზაა”

news
: news ივლისი 21, 2016 18:58

“დედოლარიზაცია ჩვენთვის უალტერნატივო გზაა”

დედოლარიზაცია არის უალტერნატივო გზა ჩვენი ეროვნული ვალუტისთვის ნდობის გაზრდის მხრივ, – ამის სესახებ საქართველოს პრემიერ-მინისტრმა გიორგი კვირიკაშვილმა ტყიბულში ჟურნალიტებს ეროვნული ბანკის პრეზიდენტის განცხადების შესახებ დასმული კითხვის საპასუხოდ განუცხადა, რომელიც ამბობდა, რომ მოსახლეობა დოლარის გარეშე ცხოვრებას უნდა შეეჩვიოს.

“მე აბსოლუტურად ვეთანხმები კობა გვენეტაძის განცხადებას, დედოლარიზაცია არის უალტერნატივო გზა ჩვენი ეროვნული ვალუტისთვის ნდობის გაზრდის მხრივ. ამისათვის კომპლექსური ნაბიჯებია გადასადგმელი. ამისთვის კეთდება საერთაშორისო ინსტიტუტებთან ერთად ეროვნული ვალუტაში დენომინირებული ობლიგაციების გამოშვება. ამის გარდა, დაგეგმილი გვაქვს გრძელვადიანი ეკონომიკური პროგრამები, რომელიც მიმართულია იქით, რომ საგადასახდელო ბალანსი გაუმჯობესდეს, არ იყოს დამოკიდებული ფულად გადარიცხვებზე და ისეთ მუხლებზე, რომელიც შესაძლებელია ეკონომიკური კრიზისის დროს იყოს რყევადი. ამიტომ ამ გრძელვადიანი კომპლექსური გზით ჩვენ რა თქმა უნდა მივიღებთ იმას, რომ გრძელვადიანი ნდობა ეროვნული ვალუტის მიმართ გამყარდება”, – განაცხადა გიორგი კვირიკაშვილმა.

მისი თქმით, ამ ყველაფერს ხელს შეუწყობს საპენსიო რეფორმა, რომელიც 2017 წელს არის დაგეგმილი, რაც ეროვნული ვალუტის გრძელვადიან დაგროვებას უწყობს ხელს.

news
: news ივლისი 21, 2016 18:58

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,749
ვიზიტორი
დღეში
Powered By Google Analytics