კომპანია “თელასის” ინფორმაციით, სხვადასხვა სამუშაოს ჩატარების გამო, ხვალ თბილისის რამდენიმე ქუჩაზე ელექტრომომარაგება დროებით შეიზღუდება.
საბურთალოს რაიონში ქსელზე ახალი აბონენტების მიერთების გამო 11:00 საათიდან 14:00 საათამდე შეზღუდვა შეეხება: ლვოვის, ონიაშილის, კანდელაკის, ლევანდოვსკის, ცხინვალის, ვაზისუბნის, ლომონოსოვის, ყუშიტაშვილის და ზემო ვეძისის ქუჩების მაცხოვრებლებს.
დიდუბის რაიონში ავარიის პრევენციის მიზნით 10:00 საათიდან 18:00 საათამდე შეზღუდვა შეეხება: დიღმის მასივის V კვარტლის, ახმეტელის, ლუბლიანას და ბელიაშვილის ქუჩების მაცხოვრებლებს. ქსელზე ახალი აბონენტების მიერთების გამო კი 11:00 საათიდან 16:00 საათამდე შეზღუდვა შეეხება: წერეთლის გამზირის (ნაწილობრივ), ბათუმის, ფოთის და თევდორე მღვდლის ქუჩების მაცხოვრებლებს.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.