უკანასკნელი 30 წლის განმავლობაში დედამიწაზე ხმელეთი 58 ათასი კვადრატული კილომეტრით გაიზარდა – ნიდერლანდელმა მეცნიერებმა გამოითვალეს.
გარკვეული ტერიტორიების ხელოვნური დაშრობა, მათ შორის სანაპიროებზე, უფრო მნიშვნელოვანი ფაქტორი აღმოჩნდა, ვიდრე ყინულის დნობა და დამბების შექმნა, ნათქვამია გამოკვლევაში, რომელიც სამეცნიერო ჟურნალ Nature Climate Change-ში გამოქვეყნდა.
საერთო ჯამში, უკანასკნელი სამი ათეული წლის მანძილზე წყლით დაიფარა 115 კვ. კილომეტრი ხმელეთი, ამასთანავე, დაშრა 173 ათასი კვ. კილომეტრი წყალი.
ნიდერლანდელმა მეცნიერებმა ნასას თანამგზავრებიდან გადაღებული ფოტოები გააანალიზეს. მათი დასკვნებიდან გამომდინარე, ყველაზე ფართო ბუნებრივი გაწყლიანების მაგალითია ტიბეტის მთები, სადაც ყინულის დნობის შედეგად უზარმაზარი ტბა წარმოიქმნა.
ყველაზე დიდი საწინააღმდეგო მაგალითი კი არის არალის ზღვა, რომელიც ოდესღაც სიდიდით მეოთხე იყო მსოფლიოში.
მკვლევარები ამბობენ, რომ ახლა აუცილებელია იმის დადგენა, თუ რა მნიშვნელობა ექნება მათ დაკვირვებებს მსოფლიო კლიმატის კვლევებში.
