აფხაზეთის დე-ფაქტო რესპუბლიკის პრეზიდენტის რაულ ხაჯიმბას განკარგულებით, უცხო ქვეყნის მოქალაქეებისთვის აფხაზეთში დროებით უვიზო შესვლა გაიხსნა ტურისტული მიზნებისთვის – ცვლილება რუსეთის ფედერაციაში მიმდინარე ფეხბურთის მსოფლიო ჩემპიონატს უკავშირდება – აფხაზური მედია წერს. კერძოდ, საუბარია 15 ივნისიდან 1 აგვისტოს ჩათვლით პერიოდზე. განკარგულებაში საქართველოს მოქალაქეებისთვის სპეციალური შენიშვნაა გაკეთებული, რომ ცვლილება საქართველოს მოქალაქეებზე არ ვრცელდება.
