დე-ფაქტო აფხაზეთი: საქართველოს ტერიტორიული მთლიანობის აღიარების შესახებ ევროსაბჭოს რეზოლუციით რეალობა უხეშად ირღვევა

timer.ge თაიმერი
: timer.ge თაიმერი მაისი 5, 2018 01:22

დე-ფაქტო აფხაზეთი: საქართველოს ტერიტორიული მთლიანობის აღიარების შესახებ ევროსაბჭოს რეზოლუციით რეალობა უხეშად ირღვევა

აფხაზეთის დე-ფაქტო რესპუბლიკის საგარეო საქმეთა სამინისტრომ, 2 მაისს ევროსაბჭოს მიერ მიღებულ რეზოლუციაზე კომენტარი გააკეთა. მასში აღნიშნულია, რომ “მორიგი ოდიოზური რეზოლუციის მიღებით ევროპის საბჭო მხოლოდ სინანულს და იმედგაცრუებას იწვევს”, რადგანაც რეზოლუციაში აღნიშნულია, რომ ევროპის საბჭო მყარად უჭერს მხარს საქართველოს ტერიტორიულ მთლიანობას, და რომ დაფიქსირებულია, რომ კონფლიქტი მიმდინარეობს რუსეთსა და საქართველოს შორის. დე-ფაქტო აფხაზეთის მთავრობა ასევე, უკმაყოფილებას გამოთქვამს საქართველოს მთავრობის ინიციატივაზე “ნაბიჯი უკეთესი მომავლისათვის” და თვლის, რომ აღნიშნული პუნქტები “არ გამოხატავს რეალურ სიტუაციას”, ასევე : “რეზოლუციაში საქართველოსა და აფხაზეთს შორის კონფლიქტი წარმოჩენილია საქართველო-რუსეთს შორის კონფლიქტად, მსგავსი ინტერპრეტაციები კი, აბსოლუტურად მიუღებელია” – წერია დე-ფაქტო რესპუბლიკის მიერ გავრცელებულ განცხადებაში.

2018 წლის 2 მაისს ევროპის საბჭოს მინისტრთა მოადგილეების კომიტეტის 1315-ე სხდომაზე, დღის წესრიგის საკითხის „ევროპის საბჭო და კონფლიქტი საქართველოში“ ფარგლებში, მიღებულ იქნა მორიგი გადაწყვეტილება, რომლშიც გამოიხატა ევროპის საბჭოს წევრი ქვეყნების მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ და ყურადღება გამახვილდა რუსეთის საერთაშორისო სამართლებრივ პასუხისგებლობაზე, როგორც ქვეყნისა, რომელიც ახორციელებს ფაქტობრივ კონტროლს საქართველოს ოკუპირებულ ტერიტორიებზე – 2 მაისს საქართველოს მთავრობამ გაავრცელა.

timer.ge თაიმერი
: timer.ge თაიმერი მაისი 5, 2018 01:22

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,259
ვიზიტორი
დღეში
Powered By Google Analytics