დავით ზალკალიანი აშშ-ის სახელმწიფო მდივნის მოადგილეს შეხვდა

თაიმერი timer.ge
: თაიმერი timer.ge აპრილი 5, 2019 22:45

დავით ზალკალიანი აშშ-ის სახელმწიფო მდივნის მოადგილეს შეხვდა

ვაშიგტონში ვიზიტის ფარგლებში საქართველოს საგარეო საქმეთა მინისტრი საერთაშორისო უსაფრთხოებისა და შეიარაღების კონტროლის საკითხებში აშშ-ის სახელმწიფო მდივნის მოადგილეს შეხვდა.

საგარეო საქმეთა სამინისტროს ცნობით, დავით ზალკალიანმა და ანდრეა ტომპსონმა საქართველო-აშშ-ის სტრატეგიული პარტნიორობის დღის წესრიგში არსებული საკითხები მიმოიხილეს.

ამერიკელმა მაღალჩინოსანმა საქართველოს ევროატლანტიკური ინტეგრაციის, სუვერენიტეტისა და ტერიტორიული მთლიანობის მტკიცე მხარდაჭერა კიდევ ერთხელ გამოხატა.

შეხვედრაზე მაღალი შეფასება მიეცა ვაშინგტონში გამართულ ნატოს მინისტერიალზე მიღებულ გადაწყვეტილებებს, რომლის ფარგლებშიც, ალიანსი შავი ზღვის უსაფრთხოების სფეროში ავითარებს თანამშრომლობას საქართველოსთან სხვადასხვა მიმართულებით.

შეხვედრაზე საუბარი ასევე შეეხო რეგიონის უსაფრთხოებას, საქართველოს ოკუპირებულ ტერიტორიებზე შექმნილ მდგომარეობას. მინისტრმა აშშ-ის სახელმწიფო მდივნის მოადგილეს მიაწოდა ინფორმაცია ადგილზე ადამიანის უფლებების დარღვევის გახშირებულ შემთხვევებზე.

დავით ზალკალიანი 2019 წლის 3-6 აპრილს სამუშაო ვიზიტით ვაშინგტონს სტუმრობს და შეხვედრებს მართავს აშშ-ის აღმასრულებელი და საკანონმდებლო ხელისუფლების წარმომადგენლებთან. მინისტრმა მონაწილეობა მიიღო ნატოს მინისტერიალთან დაკავშირებით ატლანტიკური საბჭოს, მარშალის ფონდისა და მიუნხენის უსაფრთხოების კონფერენციის მიერ გამართულ ღონისძიებაში.

თაიმერი timer.ge
: თაიმერი timer.ge აპრილი 5, 2019 22:45

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,301
ვიზიტორი
დღეში
Powered By Google Analytics