არჩევნები, ქვეყნის შიდა პოლიტიკა და რეგიონული უსაფრთხოების საკითხები განიხილეს დღეს დილით საქართველოს პარლამენტის სპიკერმა და ევროპის ლიბერალურ-დემოკრატიული პარტიის ხელმძღვანელმა.
დავით უსუფაშვილისა და ჰანს ვან ბაალენს შორის შეხვედრა თბილისში, პარლამენტის შენობაში ცოტა ხნის წინ დასრულდა.
ევროპის ლიბერალურ-დემოკრატიული პარტიის ხელმძღვანელის თქმით, საქართველოს სტაბილური პოლიტიკური კლიმატი სჭირდება.
დავით უსუფაშვილი კი აცხადებს, რომ აუცილებელია, ქართულ და ევროპულ პარტიებს შორის დაახლოება მოხდეს, რათა მათ შორის თანამშრომლობა უფრო ნაყოფიერი იყოს.
უსუფაშვილი აცხადებს, რომ ევროპულ პოლიტიკურ პარტიებთან თანამშრომლობა საქართველოში პოლიტიკური კულტურის დონეს განავითარებს.
