ევროპასთან ინტეგრაციის კომიტეტის თავმჯდომარე დავით სონღულაშვილი მთავრობის მიერ წარმოდგენილ პაკეტთან დაკავშირებით აცხადებს, რომ ხელისუფლება მზადაა, მაქსიმალურად დაუდგეს გვერდით ტურიზმს, როგორც ქვეყნის ერთ-ერთ პრიორიტეტულ მიმართულებას.
„მთავრობამ ტურიზმის დახმარების მიზნით 200-მილიონიანი პაკეტი წარმოადგინა. ტურიზმი არის საქართველოსთვის ერთ-ერთი სტრატეგიული მიმართულება. დღევანდელი პრეზენტაცია გამოხატავს, რამდენად არის ქვეყანა მზად, რომ მაქსიმალურად სწრაფად მოიპოვოს კონკურენტული უპირატესობა როგორც რეგიონში, ასევე აღმოსავლეთ ევროპაში. ადგილობრივი ტურიზმისთვის ქვეყანა 15 ივნისიდან, ხოლო საერთაშორისო ტურიზმისთვის 1 ივლისიდან გაიხსნება. პაკეტი, რომელიც წარმოდგენილია მთავრობის მიერ, ფაქტობრივად სრულად ფარავს ამ სექტორში მონაწილე ყველა ადამიანს. ეს არის უკვე მესამე ფაზა ტურიზმის სექტორის დასახმარებლად . აღნიშნული პაკეტი არის ხაგზასმა იმაზე, რომ ტურიზმი არის ქვეყნის ერთ-ერთი მნიშვნელოვანი პრიორიტეტი. ჩვენ მზად ვართ მაქსიმალურად დავუდგეთ გვერდით ამ მიმართულებას“, -განაცხადა დავით სონღულაშვილმა.