დავით სერგეენკო: საზოგადოების დაპირისპირების რისკი არ არსებობს

news
ავტ.: news სექტემბერი 27, 2016 10:14

დავით სერგეენკო: საზოგადოების დაპირისპირების რისკი არ არსებობს

ჯანდაცვის მინისტრი დავით სერგეენკო მიიჩნევს, რომ გარკვეული პოლიტიკური ძალების მხრიდან, შესაძლოა, ადგილი ჰქონდეს პროვოკაციებს.

მინისტრის თქმით, საზოგადოების დაპირისპირების რისკი, არც წინასაარჩევნოდ და არც არჩევნების შემდეგ, არ არსებობს.

“საზოგადოების დაპირისპირების რისკი არ არსებობს, მაგრამ არსებობს რისკი იმისა, რომ პოლიტიკური ძალების სატელიტმა საზოგადოებებმა მოაწყონ პროვოკაციები. რა რესურსები დასჭირდება ამის აღკვეთას, დასჭირდება ნაკლები თუ მეტი მობილიზაცია, ეს არის სამართალდამცველების პრეროგატივა”,-აღნიშნა სერგეენკომ.

შეგახსენებთ, რომ “თავისუფალი ზონის” გლდანის რაიონული განყოფილების წევრებმა ორგანიზაცია დატოვეს და აცხადებენ, რომ საქართველოს ყოფილ პრეზიდენტს არჩევნების შემდეგ, ისინი დესტაბილიზაციის მოსაწყობად სჭირდებოდა.

მათივე გაცხადებით, საქართველოში შეიქმნა ორგანიზაცია – “საქართველოს ერთგულების სახელით”, რომელსაც უშუალოდ აქვს დავალებული არჩევნების შემდეგ, ხალხის ქუჩაში გაყვანა და დესტაბილიზავიის მოწყობა.

news
ავტ.: news სექტემბერი 27, 2016 10:14