ამერიკის ეროვნულ დემოკრატიული ინსტიტუტის სოციოლოგიური კვლევის შედეგებს ეჭვქვეშ აყენებენ მინიტრთა კაბინეტის წევრები. ჯანდაცვის მინისტრისთვის NDI-ს მიზნები გაუგებარია.
“მიუხედავად იმისა, რომ მე არ ვარ სოციოლოგიური კვლევების სპეციალისტი, ჩემთვის აბსოლუტურად გაუგებარი და ბუნდოვანი რჩება NDI-ს მეთოდოლოგია და მიზნები. შესაბამისად, გამიჭირდება ამ კვლევებზე დაყრდნობით რაიმე შეფასება გავაკეთო. გულახდილად რომ გითხრათ, მე არ ვიცი საიდან იღებს ეს ხალხი ამ მონაცემებს,” – განმარტა დავით სერგეენკომ.
