არჩევნებმა მართლაც გამორჩეულად მშვიდ გარემოში ჩაიარა და ეს არის წინგადადგმული ნაბიჯი, – ამის შესახებ საქართველოს შრომის, ჯანმრთელობისა და სოციალური დაცვის მინისტრმა დავით სერგეენკომ 2017 წლის ადგილობრივი თვითმმართველობის არჩევნების ეგზიტპოლების პირველადი შედეგების გამოქვეყნების შემდეგ ჟურნალისტებს განუცხადა.
„არჩევნებმა მართლაც გამორჩეულად მშვიდ გარემოში ჩაიარა. რამდენიმე ტექნიკური ხარვეზი იყო. მაგრამ ეს არის წინგადადგმული ნაბიჯი. რაც შეეხება მოლოდინებს, მე ჩემი მოლოდინები, მაქვს, რაც ვფიქრობ, დადასტურდება მას შემდეგ, რაც საარჩევნო კომისია დათვლას დაასრულებს“, – განაცხადა დავით სერგეენკომ.
