დავით როსტომაშვილზე თავდასხმის საქმეზე პროკურატურა დამატებითი მტკიცებულებების დართვას ითხოვს

ქეთი ფერაძე
: ქეთი ფერაძე დეკემბერი 22, 2017 11:47

დავით როსტომაშვილზე თავდასხმის საქმეზე პროკურატურა დამატებითი მტკიცებულებების დართვას ითხოვს

იუმორისტ დავით როსტომაშვილზე თავდასხმის საქმეზე პროკურატურა დამატებითი მტკიცებულებების დართვას ითხოვს.
როგორც საქმის პროკურორმა ბესიკ ქვარცხავამ განაცხადა, მტკიცებულება ეხება ექსპერტიზის დასკვნას.

მისივე თქმით, ექსპერტიზა ჩაუტარდა ერთ-ერთი ბრალდებულის, ზურაბ ქუთელიას მობილურ ტელეფონს.

”მიმდინარეობს მტკიცებულებების მოკვლევა, როგორც მოწმეთა ჩვენებების, ასევე წერილობითი და ნივთიერი მტკიცებულებების. დამატებითი მტკიცებულება ეხება ექპსერტიზის დასკვნას. ეს არის მობილურ ტელეფონში არსებული ინფორმაცია, მათ შორის მიმოწერა და ფოტომასალა”, – განაცხადა ბესიკ ქვარცხავვამ.

დაცვის მხარის თქმით, ისინი არ იცნობენ აღნიშნულ მტკიცებულებას და მოსამართლეს შუამდგომლობით მიმართეს, რათა გაცნობოდნენ მტკიცებულებას.

”საჭიროა გავეცნოთ მასალას. ექსპერტიზის დასკვნა თავისთავად არასრულყოფილია, თუ მას მტკიცებულება არ ახლავს. ამ მტკიცებულებას ჩვენ არ ვიცნობთ, გავეცნობით და საკუთარ პოზიციას შემდეგ სხდომაზე დავაფიქსირებთ”, – განაცხადა ზურაბ ქუთელიას ადვოკატმა ლელა ქოჩიაშვილმა.

დავით როსტომაშვილის თავდასხმის საქმეზე ბრალდებულები არიან ბექა კირვალიძე, ზურაბ ქუთელია და არტემ აგაჯანოვი.

შემდეგი სასამართლო სხდომა 11 იანვარს გაიმართება.

ქეთი ფერაძე
: ქეთი ფერაძე დეკემბერი 22, 2017 11:47

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,290
ვიზიტორი
დღეში
Powered By Google Analytics