დავით ფაცაცია – გილოცავთ დედაენის დღეს!

“ქართული ენა ერთ-ერთი უძველესია მსოფლიოში, მას აქვს საკუთარი ანბანი და დამწერლობა. “ქართული ანბანის სამ უძველეს სახეობასა” (ასომთავრულს, ნუსხურსა და მხედრულს) და „დედაენას“ ეროვნული კატეგორიის არამატერიალური კულტურული მემკვიდრეობის ძეგლის სტატუსი აქვთ მინიჭებული, ისინი სახელმწიფოს იდენტობის ნაწილს წარმოადგენენ და მრავალსაუკუნოვანი ქართული კულტურის ერთობას უზრუნველყოფენ.

1978 წელს საბჭოთა ხელისუფლებამ ახალი კონსტიტუცია მიიღო, რომლის მიხედვითაც ყველა საბჭოთა რესპუბლიკაში სახელმწიფო ენა მხოლოდ რუსული უნდა ყოფილიყო. ამ გადაწყვეტილებას ქართველი ხალხი წინ აღუდგა და ენის ღირსების დასაცავად მასობრივი გამოსვლები დაიწყო. პირველად საბჭოთა კავშირის ისტორიაში, კომუნისტურმა რეჟიმმა უკან დაიხია და ქართულ ენას სახელმწიფო ენის სტატუსი შეუნარჩუნდა.

ამ დღეს სახელმწიფო ენის სტატუსის დაკარგვის საშიშროების წინაშე დარჩენილმა ხალხმა მსოფლიოს უჩვენა, თუ რამდენს ნიშნავდა ქართული ენა საქართველოს სახელმწიფოსთვის. ქართველის ერის ერთსულოვანი ძალისხმევით საბჭოთა კავშირში უპრეცედენტო შემთხვევა მოხდა და მომავალ თაობებს შეუნარჩუნა ეს უნიკალური ენა.

დღეს, როდესაც რუსეთის ფედერაციის საოკუპაციო რეჟიმის მიერ ოკუპირებულ ტერიტორიებზე შეზღუდულია მშობლიურ ენაზე განათლების მიღების უფლება, მასობრივად ნადგურდება ქართული კულტურის ძეგლები, სამეცნიერო და საგანმანათლებლო დაწესებულებები, განსაკუთრებით მნიშვნელოვანია მთელი ქართული საზოგადოების ისევ ერთად დგომა და ერთობლივად სახელმწიფოს იდენტობის ნაწილის, მშობლიური ენის დაცვა.
გილოცავთ დედაენის დღეს!”- წერს სოციალურ ქსელში დავით ფაცაცია.

banner
წინა სტატიაშიხაზარაძე – „ქართული ოცნება“ დაყავი და იბატონეს პრინციპით მოქმედებს
შემდეგი სტატიაგიორგი ხოჯევანიშვილი – გახარიასთან ერთობლივი გადაწყვეტილებით, ექვსი დეპუტატი გადავდივართ პარტიის მშენებლობის ახალ ფაზაზე