აფხაზეთიდან იძულებით გადაადგილებულ პირთა-დევნილთა მომსახურების სააგენტოს ორგანიზებით, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია აფხაზეთიდან დევნილ, მრავალშვილიან დედებს შეხვდა და სიმბოლური საჩუქრები გადასცა.
შეხვედრა დისკუსიის რეჟიმში წარიმართა, სადაც აფხაზეთიდან დევნილ ქალბატონებს შესაძლებლობა ჰქონდათ მიეღოთ ინფორმაცია სამინისტროს პროგრამების შესახებ და ასევე, ესაუბრათ თავიანთ საჭიროებებზე.
„ჩვენი ქვეყნის დემოგრაფიული განვითარება, სიძლიერე, სწორედ ასეთ ქალბატონებზე დგას, რომლებიც ზრდიან წარმატებულ შვილებს და არიან სამაგალითო მშობლები. მჯერა, რომ მათი მზრუნველობა შვილების მიმართ, დიდ როლს ითამაშებს საქართველოს გაერთიანებისა და განვითარების საქმეში.“ – დავით ფაცაცია
