დავით ნარმანია: მერიაში საკადრო ცვლილებები დაგეგმილი არ არის

news
ავტ.: news იანვარი 15, 2016 16:09

დავით ნარმანია: მერიაში საკადრო ცვლილებები დაგეგმილი არ არის

თბილისის მერის დავით ნარმანიას განცხადებით, მერიაში საკადრო ცვლილებებთან დაკავშირებით კონსულტაციები არ მიმდინარეობს.

მერმა ასევე უარყო გავრცელებული ინფორმაცია, რომლის თანახმადაც, თბილისის ვიცე-მერი ლაშა აბაშიძე თანამდებობის დატოვებას აპირებს.

“საკადრო ცვლილებები დაგეგმილი არ არის. რაიმე სახის არც შიდა განხილვა და არც კონსულტაციები ამ საკითხთან დაკავშირებით არ გვქონია. რაც შეეხება ფუნქციების გადანაწილებას, გიორგი ლილუაშვილი ჩაუდგება სათავეში იმ მიმართულებას, რასაც ხელმძღვანელობდა გიორგი სოლომონია. ეს არის რაიონული გამგეობები, გამწვანების მიმართულება, “თბილსერვისი”, “სინათლის ქალაქი”, ხოლო მომდევნო პერიოდში შესაძლოა, როგორც ეს პერიოდულად ხდება ხოლმე, ფუნქციების გადანაწილება სხვანაირად მოხდეს მოადგილეებს შორის, ამას სამუშაო ფორმატი გვიჩვენებს”, – აღნიშნა ნარმანიამ.

შეგახსენებთ, რომ თბილისის მერმა დავით ნარმანიამ მოადგილის ვაკანტურ თანამდებობაზე გიორგი ლილუაშვილი 14 იანვარს წარადგინა. მერის მოადგილის პოსტი მას შემდეგ გახდა ვაკანტური, რაც გიორგი სოლომონიამ დატოვა თანამდებობა და ფინანსთა სამინისტროს საგამოძიებო სამსახურში გადავიდა.

news
ავტ.: news იანვარი 15, 2016 16:09

Google სტატისტიკა


2,455
ვიზიტორი
დღეში
Powered By Google Analytics