რუსთავი 2-ის გადამღებ ჯგუფზე თავდასხმის ფაქტს ეხმაურება თბილისის მერი დავით ნარმანია. მისი თქმით, მედიის წარმომადგენლებს უნდა მიეცეთ ჩვეულებრივ რეჟიმში მუშაობის საშუალება.
“ მედიასაშუალებაზე ნებისმიერი ზეწოლა არის დაუშვებელი. მედია უნდა იყოს თავისუფალი და მას უნდა მიეცეს ჩვეულებრივ რეჟიმში მუშაობის საშუალება, ყოველთვის სადაც არ უნდა იყოს და რაც არ უნდა ხდებოდეს. თუ შეიცავს ეს სამართალდარღვევის ნიშნებს, რასაკვირველია მაშინ გამოძიება უნდა ჩატარდეს,“ – განაცხადა დავით ნარმანიამ.