დავით ნარმანია: ხეების მოჭრასთან დაკავშირებით მორატორიუმი გაგრძელდება

news
ავტ.: news სექტემბერი 1, 2016 14:08

დავით ნარმანია: ხეების მოჭრასთან დაკავშირებით მორატორიუმი გაგრძელდება

ხეების მოჭრასთან დაკავშირებით მორატორიუმი გაგრძელდება. ამის შესახებ თბილისის მერმა დღეს, მაიაკოვსკის სკვერში მიმდინარე სამუშაოების დათვალიერებისას განაცხადა.

დავით ნარმანიას თქმით, მორატორიუმი ხეების ფორმირებაზე, დაავადებული და ავარიული ხეების მოჭრაზე არ გავრცელდება. რაც შეეხება მორატორიუმის ხანგრძლივობას, თბილისის მერის განცხადებით, მორატორიუმი გაგრძელდება მანამ, ვიდრე ხეების მოჭრასთან დაკავშირებით ახალი რეგულაციები არ იქნება შემოღებული.

„მორატორიუმი, რაც ჩემი მხრიდნ იყო გამოცხადებული, გაგრძელდება. მინდა დავაზუსტო, რომ მორატორიუმი ეხება მხოლოდ ხეების მოჭრას, ის არ ეხება ხეების ფორმირებას და არ იგულისხმება დაავადებული ხეების მოჭრა. მასზე მორატორიუმი არ გავრცელდება. ჩვენ ეტაპობრივად მივაწვდით ინფორმაციას ამ საკითხებზე ფართო საზოგადოებას,“ – განაცხადა დავით ნარმანიამ.

თბილისის მერმა 10 დღის განმავლობაში დედაქალაქში ხეების მოჭრაზე მორატორიუმი 20 აგვისტოს გამოაცხადა. დავით ნარმანიას განცხადებით, მერია ნებისმიერ დაინტერესებულ ორგანიზაციასთან ან პირთან ერთად იმსჯელებს გამწვანებასთან დაკავშირებულ საკითხებზე.

news
ავტ.: news სექტემბერი 1, 2016 14:08

Google სტატისტიკა


3,399
ვიზიტორი
დღეში
Powered By Google Analytics