თბილისის საკრებულოში მიმდინარე შეხვედრის ფარგლებში თბილისის მერმა ყაზბეგის გამზირზე მოჭრილ ხეებთზე ისაუბრა. დავით ნარმანიას განცხადებით, გამოძიება მიმდინარეობს და სანამ ის არ დასრულდება, კონკრეტული საკადრო გადაწყვეტილებების მიღება მიზანშეწონილი არ არის.
“გამომდინარე იქიდან, რომ მიმდინარეობს გამოძიება, გამოძიების პროცესის დასრულებამდე, მიზანშეუწონლად მიმაჩნია კონკრეტული საკადრო გადაწყვეტილებების მიღება და მეორე, ჩემთვის პრინციპულად და კატეგორიულად მიუღებელია უდანაშაულობის პრეზუმციიდან გამომდინარე, როცა ჯერ კიდევ არ არის გამოძიება ბოლომდე მისული და გადაწყეტილება მიღებული, პირდაპირ თითი გავიშვირო ცალკეული თაბამდებობის პირებისკენ და დავადანაშაულოთ ისინი,“ – განაცხადა დავით ნარმანიამ.