დავით ნარმანია: დროებით ჩაკეტილია გმირთა მოედანი-თამარაშვილის დამაკავშირებელი გზა

თაიმერი timer.ge
ავტ.: თაიმერი timer.ge ივნისი 11, 2017 00:17

დავით ნარმანია: დროებით ჩაკეტილია გმირთა მოედანი-თამარაშვილის დამაკავშირებელი გზა

თბილისის მერი დავით ნარმანია დედაქალაქში ძლიერი ნალექის გამო შექმნილ ვითარებას გაეცნო

დავით ნარმანია მოადგილეებთან, საბურთალოს რაიონის გამგებელთან და “თბილსერვის ჯგუფის” ხელმძღვანელთან ერთად დედაქალაქის მასშტაბით, ყველა პრობლემურ ადგილზე იმყოფებოდა.

როგორც თბილისის მერმა განაცხადა, ახალდაბის გზაზე ჩამოვიდა მცირე მეწყერი, თუმცა ტექნიკამ იმუშავა და გზის ეს მონაკვეთი გაიწმინდა.

“დროებით ჩაკეტილია გმირთა მოედანი-თამარაშვილის დამაკავშირებელი გზა, რაც საპატრულო პოლიციამ პრევენციის მიზნით ჩაკეტა, თუმცა მე ახლა გამოვიარე ეს გზა გმირთა მოედნიდან თამარაშვილამდე და სიმშვიდეა, წყლის დონე მნიშვნელოვნად მომატებული არ არის. ამ ეტაპისთვის, იმ ნაწილებისთვის ვმუშაობთ, სადაც გაწმენდითი სამუშაოებია საჭიროა. ინციდენტი, ან მსხვერპლი, საბედნიეროდ, არ გვაქვს,“ – განაცხადა დავით ნარმანიამ.

ძლიერი წვიმის გამო თბილისის მერიის შესაბამისი სამსახურები საგანგებო რეჟიმში მუშაობენ. “თბილსერვის ჯგუფის” თანამშრომლები გაწმენდით სამუშაოებს დედაქალაქის მასშტაბით ახორციელებენ და გზებიდან წვიმისაგან ჩამოტანილი ნაშალი მასალის გატანა მიმდინარეობს.

თაიმერი timer.ge
ავტ.: თაიმერი timer.ge ივნისი 11, 2017 00:17

Google სტატისტიკა


3,536
ვიზიტორი
დღეში
Powered By Google Analytics