დავით მათიკაშვილი: კრიმინალური ოპოზიციის დესტრუქციულმა ქმედებებმა ვერაფერი დააკლო დღევანდელი დღის უმნიშვნელოვანეს შედეგს

region
ავტ.: region ივნისი 29, 2020 15:51

დავით მათიკაშვილი: კრიმინალური ოპოზიციის დესტრუქციულმა ქმედებებმა ვერაფერი დააკლო დღევანდელი დღის უმნიშვნელოვანეს შედეგს

„ახალი საქართველოს“ ლიდერი გიორგი ვაშაძე საკონსტიტუციო ცვლილებების დამტკიცებას ეხმაურება და აცხადებს, რომ აღნიშნული დიდი ძალისხმევის შედეგია.

„გილოცავთ ამ დიდ გამარჯვებას. ეს არის დიდი ძალისხმევის შედეგი. გახსოვთ თქვენ გასული წლის ნოემბერი, როცა „ქართული ოცნება“ ამბობდა, რომ აღარაფერი აღარ შეიცვლებოდა კონსტიტუციაში. მათ ჩვენი ერთიანობით, და სწორედ ამ ერთიანობაშია ძალა, ხალხის, ოპოზიციის, საერთაშორისო საზოგადოების წნეხით დღეს მესამე მოსმენით მიიღეს კანონი“, – განაცხადა ვაშაძემ, რომელიც მიიჩნევს, რომ 8 მარტის შეთანხმების მნიშვნელოვანი ნაწილი შესრულდა, თუმცა გასათავისუფლებელია გიორგი რურუა.

„ეს არის 8 მარტის შეთანხმების მნიშვნელოვანი ნაწილის შესრულება, მაგრამ ამასთან ერთად, სრულად რომ შესრულდეს შეთანხმება, მათ უნდა აიღონ ხელი პოლიტიკურ დევნაზე, რურუა აუცილებლად უნდა გათავისუფლდეს, ეს არის განუხრელი მოთხოვნა, რაც ოპოზიციას აქვს. კიდევ ერთხელ ვამბობ, ერთად როცა ვართ, გამარჯვებას აუცილებლად მივაღწევთ. 31 ოქტომბერს ყველანი ერთად დიდ გამარჯვებას მივაღწევთ“, – აღნიშნა გიორგი ვაშაძემ.

117 ხმით საქართველოს პარლამენტმა საარჩევნო სისტემის შეცვლის მიზნით მომზადებული საკონსტიტუციო ცვლილებები დაამტკიცა. წინააღმდეგ ხმა მისცა სამმა დეპუტატმა – ბიძინა გეგიძემ, კახა ოქრიაშვილმა და ალექსანდრე ერქვანიამ.

კენჭისყრაში მონაწილეობა არ მიუღიათ „ნაციონალურ მოძრაობას“ და „ევროპულ საქართველოს“.

region
ავტ.: region ივნისი 29, 2020 15:51