დავით გარეჯის საკითხი – ქართველ და აზერბაიჯანელ ექსპერტთა სამუშაო შეხვედრების მეორე ეტაპი დაიწყო

ქეთი ფერაძე
ავტ.: ქეთი ფერაძე სექტემბერი 23, 2019 12:05

დავით გარეჯის საკითხი – ქართველ და აზერბაიჯანელ ექსპერტთა სამუშაო შეხვედრების მეორე ეტაპი დაიწყო

საგარეო საქმეთა სამინისტროს ინფორმაციით, საქართველოსა და აზერბაიჯანის რესპუბლიკის სახელმწიფო საზღვრის დელიმიტაციისა და დემარკაციის კომისიების ექსპერტთა შეხვედრის მეორე ეტაპი დაიწყო.

“2019 წლის 23 სექტემბერს დაიწყო საქართველოსა და აზერბაიჯანის რესპუბლიკის სახელმწიფო საზღვრის დელიმიტაციისა და დემარკაციის კომისიების ექსპერტთა შეხვედრის მეორე ეტაპი, რომლის ფარგლებში ორი ქვეყნის კომისიების ექსპერტები მოახდენენ საქართველოსა და აზერბაიჯანის რესპუბლიკის სახელმწიფო საზღვრის ხაზის დარჩენილი მონაკვეთების (მე-15, მე-16, მე-17 (სოფელ ერისიმედის ტერიტორია), მე-18, მე-20, 22-ე და 24-მონაკვეთები)) დათვალიერებასა და გეოდეზიური აზომვითი სამუშაოების ჩატარებას. საქართველოსა და აზერბაიჯანის რესპუბლიკის სახელმწიფო საზღვრის დელიმიტაციისა და დემარკაციის კომისიების ექსპერტთა პირველი შეხვედრა გაიმართა მიმდინარე წლის 19-23 აგვისტოს პერიოდში.

ექსპერტების მიერ სამუშაოების ჩატარება დაგეგმილია 27 სექტემბრისთვის, რომლის შემდგომ, ექსპერტთა მუშაობის შედეგები განსახილველად წარედგინება საქართველოსა და აზერბაიჯანის რესპუბლიკის სახელმწიფო საზღვრის დელიმიტაციისა და დემარკაციის კომისიების მომდევნო სხდომას, რომელიც გაიმართება ქ. თბილისში ახლო მომავალში. კომისიის ჩატარების ზუსტი თარიღი მხარეებს შორის შეთანხმდება დიპლომატიური არხების მეშვეობით” – აღნიშნულია უწყების მიერ გავრცელებულ ინფორმაციაში.

ქეთი ფერაძე
ავტ.: ქეთი ფერაძე სექტემბერი 23, 2019 12:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


10,373
ვიზიტორი
დღეში
Powered By Google Analytics