დეპუტატი დავით ჭიჭინაძე პარტია „ქართული ოცნებიდან“ გარიცხვის შესახებ პარტიის სამდივნოს გადაწყვეტილებას პოლიტსაბჭოში ასაჩივრებს. დეპუტატი აცხადებს, რომ პარტიაში მისი დარჩენის ან წასვლის საკითხზე არც პარტიის თავმჯდომარე ბიძინა ივანიშვილთან და არც პრემიერ-მინისტრ მამუკა ბახტაძესთან კომუნიკაცია არ ჰქონია და მათ არ მიუღიათ გადაწყვეტილება.
„ქართული ოცნება – დემოკრატიული საქართველოს“ სამდივნომ დავით ჭიჭინაძე პარტიიდან 18 ივლისს გარიცხეს. გარიცხვის გადაწყვეტილებას „ქართული ოცნების“ სამდივნოს ხუთივე წევრმა მოაწერა ხელი. კახა კალაძემ- გენერალურმა მდივანმა; ირაკლი კობახიძემ- აღმასრულებელმა მდივანმა; გიორგი ვოლსკიმ- პოლიტიკურმა მდივანმა; თამარ ჩუგოშვილმა- საერთაშორისო მდივანმა და დიმიტრი სამხარაძემ- რეგიონულმა მდივანმა