იურიდიული კომიტეტის თავმჯდომარედ ოხანაშვილის არჩევამ გამახსენა 1991 წ. შემოდგომაზე გამსახურდიას ” მრგვალი მაგიდის” წამყვანი ფიგურების ერთი ნაწილის(ქარტია 91, კოსტავას საზოგადოება) ოპოზიციაში წასვლის და სხვების დადუმების მერე ინტელექტუალურად დაშიგნული აგრესიული უმრავლესობის ახალწამოჩიტული სახეები… შევარდნაძის დეგრადირებული ნომენკლატურულ-კარიკატურული უმრავლესობაც გამახსენდა ახლების, ნაცმოძრაობის და გაერთიანებული დემოკრატების გაოპოზიციონერების მერე. სხვა მაგალითებით და შედეგების გახსენებით არ გადაგღლით-წერს “რესპუბლიკური პარტიის” ერთ-ერთი ლიდერი დავით ბერძენიშვილი.
ანრი ოხანაშვილი პარლამენტის დღევანდელ სხდომაზე იურიდიულ საკითხთა კომიტეტის თავმჯდომარედ 98 მომხრე ხმით, 4-ის წინააღმდეგ დაამტკიცეს.
