„ნაციონალური მოძრობის“ ლიდერმა, დავით ბაქრაძემ დღეს პარტიის ახალი სახეები წარადგინა.
დავით ბაქრაძემ ახალი სახეები საარჩევნო სიის ნაწილის წარდგენისას დაასახელა. ესენი არიან – ლელა ქებურია, დიმიტრი ძაგნიძე, სოფიო სიუკაევა, ნინო კვიტაიშვილი, მარიამ რამინაშვილი, ბესო წერედიანი.
როგორც დავით ბაქრაძემ აღიშნა, ლელა ქებურია სამეგრელოს რეგიონულ კონფერენციაზე აირჩიეს, ის პროფესიით პედაგოგია.
მისივე თქმით, დიმიტრი ძაგნიძე ერთ-ერთი ყველაზე კვალიფიციური იურისტია საქართველოში, ადამიანი, რომელიც დღესაც ებრძის უსამართლობას იმ პროცესებზე, რომელსაც დღეს ჩვენ ვუყურებთ „რუსთავი2“-ის გარშემო.
ბაქარძის ინფორმაციით, სოფიო სიუკაევა წარმოშობით სამაჩაბლოდან, წლების განმავლობაში სამაჩაბლოში ასწავლიდა ქართულ ენას და ლიტერატურას და ამას აგრძელებს დღეს თერჯოლაში.
განათლების სფეროდან არიან ნინო კვიტაიშვილი და მარიამ რამინაშვილი. რამინაშვილის თბილისის 53-ე სკოლის ყოფილი დირექტორია.
ბესო წერედიანი კი, აფხაზეთიდან დევნილია და დევნილთა სამინისტროშიც მუშაობდა.
ლელა ქებურია, დიმიტრი ძაგნიძე, სოფიო სიუკაევა, ნინო კვიტაიშვილი, მარიამ რამინაშვილი, ბესო წერედიანი საარჩვენო სიაშიც იქნებიან.