ორივე გადაწყვეტილება დაკავებაზეც და არ დაკავებაზეც იქნებოდა პოლიტიკური გადაწყვეტილება, – ასე შეაფასა „ევროპული საქართველოს“ ლიდერმა დავით ბაქრაძემ საქალაქო სასამართლოს გადაწყვეტილება ნიკა მელიასთვის გირაოს შეფარდებაზე.
როგორც დავით ბაქრაძემ განაცხადა, სასამართლოს ნიკა მელიას დაკავების გადაწყვეტილება რომ მიეღო იქნებოდა კატასტროფულად არასწორი.
„დაკავების გადაწყვეტილება იქნებოდა არასწორი და მძიმე შედეგების მომტანი იმ განწყობის გათვალისწინებით, რომელიც დღეს საზოგადოებაშია იმ აქციების გათვალისწინებით, რომლიც უკვე კვირაზე მეტია მიმდინარეობს. ეს გამოშვებაც იყო პოლიტიკური გადაწყვეტილება, ოღონდ სწორი პოლიტიკური გადაწყვეტილება“, – განაცხადა დავით ბაქრაძემ.
