დავით ბაქრაძე : ჩვენი პოლიტიკური განაცხადია, რომ საქართველოში ხელისუფლების შეცვლას არ უნდა მოჰყვეს შურისძიება

news
ავტ.: news ოქტომბერი 14, 2019 12:24

დავით ბაქრაძე : ჩვენი პოლიტიკური განაცხადია, რომ საქართველოში ხელისუფლების შეცვლას არ უნდა მოჰყვეს შურისძიება

ჩვენი პოლიტიკური განაცხადია, რომ საქართველოში ხელისუფლების შეცვლას არ უნდა მოჰყვეს შურისძიება, – ამის შესახებ „ევროპული საქართველოს” ლიდერმა, დავით ბაქრაძემ განაცხადა.

მისი თქმით, „ადამიანებმა უნდა იცოდნენ, რომ მომავალ წელს, ხელისუფლების შეცვლის შემდეგ, რაც აუცილებლად მოხდება, არ ემუქრებათ ხიფათი, არასტაბილურობა და შურისძიების ახალი ტალღა, როგორც იყო 2012 წელს”.

„განსხვავება შურისძიებას და კანონის უზენაესობას შორის გახლავთ ეს, რომ კანონის უზენაესობის პირობებში დაცულია კანონი, ხოლო შურისძიების პირობებში დგება იმ ადამიანების სია, ვის მიმართაც უნდა მოიძებნოს დარღვევა და წავიდეს ციხეში, როგორც ეს „ქართულმა ოცნებამ” გააკეთა 2012 წელს.

მთავარი განსხვავება გახლავთ სწორედ ეს. ჩვენ არ ვადგენთ შურსაძიებელი

ადამიანების სიას, იმ ადამიანების სიას, ვინც უნდა დაისაჯოს ხელისუფლების შეცვლის შემდეგ. არავის დასჯა არაა ჩვენი ამოცანა. ჩვენი განაცხადია, რომ ყველაფერი იყოს მაქსიმალურად მშვიდად, მაგრამ კანონის დარღვევის შემთხვევაში, პასუხისგება არის კანონის უზენაესობის ნაწილი”,- განაცხადა დავით ბაქრაძემ.

news
ავტ.: news ოქტომბერი 14, 2019 12:24

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,108
ვიზიტორი
დღეში
Powered By Google Analytics