ნატოს კვირეულის ფარგლებში დღეს ფორუმის მეორე დღე გრძელდება. როგორ ემზადება საქართველო ვარშავის სამიტისთვის – ეს არის მთავარი თემა ფორუმზე. ღონისძიებაში მონაწილეობენ ოპოზიციის წარმომადგენლებიც.
ნაციონალური მოძრაობის წევრები აცხადებენ, რომ სამიტისთვის მზადება აქტიურ ფაზაში უნდა იყოს გადასული.
„არ არსებობს მთავრობის ერთიანი გააზრებული გეგმა, თუ რას აკეთებს საქართველო. ეს არის ძალიან საშიში, ვინაიდან ასეთ დინებაზე მიშვება ვერანაირად ვერ დაგვაახლოვებს ნატოსთან და შესაძლოა, პირიქით, დაგვაშოროს კიდეც. ჩვენ თუ სასწრაფოდ არ დავიწყეთ მუშაობა ჩვენს უცხოელ პარტნიორებთან გააზრებული ერთიანი გეგმის მიხედვით, ვშიშობ, რომ ვარშავის სამიტიდან, რეალურად საქართველოს ვერაფერს მიიღებს,“ – აღნიშნა დავით ბაქრაძემ.
