საქართველოს ჯანდაცვის სამინისტროს ინფორმაციით, ამ დროისთვის დედოფლისწყროში ავტოსაგზაო შემთხვევის შედეგად დაშავებული ორი სამხედრო მოსამსახურის თბილისის კლინიკებში ჰოსპიტალიზაცია მიმდინარეობს.
ერთი დაშავებული, რომელსაც მენჯის ძვლის მოტეხილობა, ასევე მუცლისა და თავის ტრავმები აღენიშნება, კატასტროფის ეკიპაჟს ინგოროყვას კლინიკაში გადაჰყავს.
კლინიკა „ტრავმატოლოგში“ მიმდინარეობს ავტოსაგზაო შემთხვევის შედეგად დაშავებული პირის ჰოსპიტალიზაცია. მას თავის ტრავმა აღენიშნება.
„ყველა შესაბამისი სამსახური მობილიზებულია და მუშაობას საგანგებო რეჟიმში განაგრძობს. კლინიკები დაშავებულებს შესაბამისი სამედიცინო სერვისებით, შეფერხების გარეშე უზრუნველყოფენ“,-ნათქვამია ჯანდაცვის სამინისტროში ინფორმაციაში.
ამასთან, დაგეგმილია თბილისში კიდევ სამი დაშავებულის გადმოყვანა.
ავტოსაგზაო შემთხვევა დღეს, დედოფლისწყარო-სიღნაღი-თბილისის დამაკავშირებელ ავტომაგისტრალზე მოხდა.
