პრემიერობის კანდიდატი, გიორგი კვირიკაშვილი, ბოლოს წლებში დასაქმებულთა რაოდენობის მატებაზე საუბრობს და ამბობს, რომ დასაქმებულთა ზრდა ძირითადად კერძო სექტორზე მოდის.
ამის შესახებ გიორგი კვირიკაშვილმა დეპუტატების შეკითხვაზე პასუხისას ისაუბრა.
„დასაქმებული ადამიანების 60-ათასიანი ზრდა უდიდესწილად კერძო სექტორს შეეხო. აქ თითქმის არ იყო საჯარო სექტორის წილი. პირადად ჩვენი კაბინეტის მოსაზრებაა, რომ მაქსიმალურად უნდა გავაკეთოთ ყველაფერი, რომ, თუკი სადმე გაჩნდება დამატებითი დასაქმების საშუალება, ეს მოხდეს მხოლოდდამხოლოდ არსებული კადრების ოპტიმიზაციის ხარჯზე და არავითარ შემთხვევაში ბიუროკრატიული აპარატის ხარჯზე,“ – განაცხადა გიორგი კვირიკაშვილმა.
