ხარკოვის მერის იგორ ტერეხოვის განცხადებით, ის დარწმუნებულია, რომ უკრაინული ძალები ქალაქს დაიცავენ. ამის შესახებ მერმა BBC-სთან ინტერვიუში განაცხადა.
მისი თქმით, სულ მცირე სამი ადამიანი გარდაიცვალა და 16 დაშავდა უკრაინის სიდიდით მეორე ქალაქში საჰაერო თავდასხმების შედეგად.
„მე მჯერა, რომ ჩვენ დავიცავთ ხარკოვს. ჩვენ არ მივცემთ რუს აგრესორს შესაძლებლობას აიღოს რეგიონი. ეს ჩვენთვის ძალიან მნიშვნელოვანია”, – განაცხადა იგორ ტერეხოვმა.