გერმანიასა და პარაგვაიში დარქნეტ-პლატფორმა “ბოისტოუნი”-ის ოთხი მონაწილე დააკავეს, მათ ბავშვთა პორნოგრაფიის გავრცელებაში ედებათ ბრალი. ოპერაცია ჩატარდა ჩრდილოეთ რეინში, ვესტფალში, ბავარიასა და ჰამბურგში.
ვებ-გვერდი პედოფილების ერთ-ერთი ყველაზე მსხვილი საიტი იყო, მისი დაბლოკვა მრავალთვიანი გამოძიების შედეგად გახდა შესაძლებელი. გვერდს რამდენიმე ფორუმი და ჩატი გააჩნდა, მოქმედებდა მინიმუმ 2019 წლიდან და დაახლოებით 400 ათასი წევრი ყავდა – “დოიჩე ველე” წერს.