დანიბეგაშვილის ქუჩაზე საგზაო სამუშაოები მიმდინარეობს

region
ავტ.: region ოქტომბერი 9, 2020 16:16

დანიბეგაშვილის ქუჩაზე საგზაო სამუშაოები მიმდინარეობს

დიდ დიღომში, რაფიელ დანიბეგაშვილის ქუჩის ნაწილზე სარეაბილიტაციო სამუშაოები დაიწყო.

აღნიშნულ ქუჩაზე, ამ დრომდე, ასფალტის საფარი არ არსებობდა. სამუშაოების ფარგლებში კი, 3 995 კვ.მ ფართობზე ასფალტის საფარი დაიგება.

მიმდინარე სამუშაო პროცესს საბურთალოს რაიონის გამგებელი გაიოზ ვასაძე, მაჟორიტარ დეპუტატ ავთანდილ ცინცაძესთან ერთად გაეცნო.

„დიდი დიღმის კერძო დასახლებაში ქუჩების მოწესრიგება გრძელდება. ამჯერად, დანიბეგაშვილის ქუჩაზე დავიწყეთ სამუშაოები, სადაც მოსახლეობას წლების განმავლობაში გრუნტიან გზაზე გადაადგილება უწევდა. ახლა კი, სანიაღვრე ქსელი მოეწყობა და ორფენიანი ასფალტის საფარი დაიგება“, – განაცხადა საბურთალოს გამგებელმა.

სამუშაოებს კომპანია „იბერი“ ასრულებს, რისთვისაც საბურთალოს გამგეობის ბიუჯეტიდან 140 000 ლარი გამოიყო.

region
ავტ.: region ოქტომბერი 9, 2020 16:16