“ჩვენ დანიას ვაიარაღებთ არა იმიტომ, რომ ომი, ნგრევა ან ტანჯვა გვსურს. ჩვენ ამას ვაკეთებთ, რათა თავიდან ავიცილოთ ომი, მაშინ როცა მსოფლიოში საერთაშორისო წესრიგს დიდი გამოწვევები აქვს“ – განაცხადა დანიის პრემიერმა მეტე ფრედერიკსენმა.
ამჟამად დანიას 9 000 პროფესიონალი სამხედრო ჰყავს. 2023 წელს, ოფიციალური მონაცემებით, დამატებით 4 700 ადამიანი გაიწვიეს. რადგან სამხედრო სამსახურის გავლის მსურველთა რაოდენობა ისედაც დიდია, ქვეყანაში გაწვევა ლატარიის პრინციპით ხდება, რაც გულისხმობს იმას, რომ ყველას არ უწევს სამსახურის გავლა.
ბოლო გაწვევის რაოდენობის 25%-ს ქალები შეადგენდნენ, რომლებმაც სამხედრო სამსახურის გავლის სურვილი თავად გამოთქვეს. დანია გეგმავს 4-თვიანი სამსახურის 11 თვემდე გახანგრძლივებასაც.
„უსაფრთხოების მხრივ ვითარება ევროპაში „უფრო და უფრო სერიოზული ხდება და ჩვენ ეს უნდა გავითვალისწინოთ, როდესაც თავდაცვაზე ვფიქრობთ“, – განაცხადა ქვეყნის თავდაცვის მინისტრმა ლუნდ პულსენმა. „საჭიროა უფრო დიდი კონტინგენტი რეკრუტირებისთვის, რომელიც მოიცავს ყველა გენდერს,” – თქვა მან და დასძინა, რომ ეს შექმნის „უფრო მრავალმხრივ დაცვას“.
