ხარკოვში რუსი დამპყრობლების მიერ დაბომბვის შედეგად 4 ადამიანი დაიღუპა და 7 დაშავდა, – ამის შესახებ ხარკოვის რეგიონალური სამხედრო ადმინისტრაციის თავმჯდომარემ ოლეგ სინეგუბოვმა განაცხადა.
„ოკუპანტები ისევ ბომბავდნენ რაიონულ ცენტრს. წინასწარი ინფორმაციით, დაბომბვის შედეგად 7 ადამიანი დაშავდა. სამწუხაროდ, 4 ადამიანი დაიღუპა. ინფორმაცია ზუსტდება“, – აღნიშნა ხარკოვის რეგიონალური სამხედრო ადმინისტრაციის თავმჯდომარემ.
სინეგუბოვმა ხარკოვისა და რეგიონის მოსახლეობას თავშესაფრებში ყოფნისკენ მოუწოდა.
