ველისციხის ინციდენტის მონაწილე პირები გოჩა მაისურაძე და მამუკა უსინაშვილი პატიმრობაში რჩებიან. ბრალდება მათ, „ნაციონალური მოძრაობის“ აქტივისტის, შოთა დალაქიშვილის ცემას ედავება.
მოსამართლე დავით ნარიმანიშვილმა დღეს გამართულ სხდომაზე დაცვის მხარის შუამდგომლობა არ გაითვალისწინა და ორივე დაკავებულს აღკვეთის ღონისძიების სახით გირაოს შეფარდებაზე უარი უთხრა.
მოსამართლის ამ გადაწყვეტილებას არ ეთანხმება ადვოკატი, რომელიც დაკავებულებისთვის 5000- ლარიან გირაოს ითხოვდა.
წინასასამართლო პროცესი 4 თებერვალს ჩაინიშნა.