,,დაიცავი კონსტიტუციაში“ შემავალი პოლიტიკური პარტიები დიპლომატიური კორპუსის წარმომადგენლებს შეხვდნენ.
ოპოზიციური პარტიის ლიდერებმა საქართველოში აკრედიტირებულ ელჩებს ის ძირითადი პრობლემები გააცნეს, რომელიც კონსტიტუციის ახალ პროექტთან დაკავშირებით არსებობს.
“პრეზიდენტისა და პარლამენტის არჩევის წესი – ეს ორი საკითხი ძალიან პრობლემურია. თუ ჩვენ ამ კონსტიტუციას მივიღებთ, საქართველოში ხელისუფლება დემოკრატიული გზით ვეღარ შეიცვლება, ეს კი იმას ნიშნავს, რომ საქართველოში დემოკრატიული პროცესი მთავრდება და ივანიშვილის ოჯახურ-კლანური მმართველობა მყარდება, სანამ გლობალური კატაკლიზმა არ მოხდება. ბუნებრივია, ეს ჩვენი საზოგადოებისთვის მიუღებელია და ჩვენ, საზოგადოების მობილიზებითა და საერთაშორისო თანამეგობრობის ინფორმირებით, ყველაფერს გავაკეთებთ, იმისთვის, რომ ხელისუფლებას ეს კონსტიტუცია არ გავატანინოთ”- განაცხადა “ნაციონალური მოძრაობის” ერთ-ერთმა ლიდერმა ზაზა ბიბილაშვილმა.
