ჭიათურაში მომხდარ შემთხვევას 4 წლის ბავშვის სიცოცხლე ემსხვერპლა. დაგორებული სატვირთო ავტომანქანა ორ ბავშვს დაეჯახა. ერთი მათგანი ადგილზევე გარდაიცვალა, მეორე კი სხეულის მძიმე დაზიანებებით საავადმყოფოში მოათავსეს.
როგორც შინაგან საქმეთა სამინისტროში განმარტავენ, მომხდარზე გამოძიება სისხლის სამართლის კოდექსის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
