“დადასტურდა, რომ საქართველოს მართავს, მავნებელი საერო და საეკლესიო ხელისუფლება”, – ასე უპასუხა “თაიმერს” ჭყონდიდის განყენებულმა მიტროპოლიტმა, ევროპის ადამიანის უფლებათა სასამართლოს გადაწყვეტილებასთან დაკავშირებით, დეკანოზ გიორგი მამალაძის სარჩელის სახელმწიფოს წინააღმდეგ დააკმაყოფილების თაობაზე, თემის კომენტირებისას.
როგორც მეუფე პეტრე ცაავა აღნიშნავს, ქვეყანაში არ არსებობს სასამართლო და წითელი ძაფით ნაკერი “ციანიდის საქმე” იყო და არის დიდი ბოროტება.
“ვმადლობთ უფალს სტრასბურგის სასამართლოს ამ ღირსეული გადაწყვეტილებისთვის, თავისუფალმა სასამართლომ დაადასტურა, ის რასაც თითქმის 6 წელია ვამტკიცებთ, დიდი მსხვერპლის ფასად, დადასტურდა, რომ საქართველოს მართავს, მავნებელი საერო და საეკლესიო ხელისუფლება, ის რომ არ არსებობს სამართლიანი სასამართლო ქვეყანაში და წითელი ძაფით ნაკერი “ციანიდის საქმე” იყო და არის დიდი ბოროტება, რომელმაც მოახდინა დიდი ლუსტრაცია ქვეყანაში! თავისუფლება დეკანოზ გიორგი მამალაძეს!”, – ამბობს მეუფე პეტრე “თაიმერთან”.
ცნობისთვის, სტრასბურგმა სამწლიანი განხილვის შედეგად დაადგინა, რომ პატიმარი მღვდლის საქმის სასამართლო განხილვების დროს დარღვეული იყო ევროკონვენციის ორიმუხლი: მე-6 მუხლის პირველი ნაწილი და მე-6 მუხლის მეორე ნაწილი. სასამართლოსგადაწყვეტილებით, საქართველოს მთავრობამ დეკანოზ მამალაძეს მომდევნო სამი თვისვადაში, 9 418 ლარი უნდა გადაუხადოს.
შეგახსენებთ, სასულიერო პირი თბილისის საერთაშორისო აეროპორტში 2017 წლისთებერვალში დააკავეს. ის სამივე ინსტანციის სასამართლომ შურისძიების მოტივით და„ციანიდის“ გამოყენებით პატრიარქის მდივან რეფერანტის, შორენა თეთრუაშვილის მკვლელობის მომზადებაში ცნო დამნაშავედ და 9 წლიანი პატიმრობა მიუსაჯა.