დაცვის პოლიციის დეპარტამენტის თავმჯდომარემ მცხეთა-მთიანეთის, შიდა ქართლისა და სამცხე-ჯავახეთის რეგიონალურ სამმართველოებში სამუშაო თათბირები გამართა

შინაგან საქმეთა სამინისტროს სსიპ დაცვის პოლიციის დეპარტამენტის თავმჯდომარემ გიორგი ბაგრატიონმა მცხეთა-მთიანეთის, შიდა ქართლისა და სამცხე-ჯავახეთის რეგიონალურ სამმართველოებში სამუშაო თათბირები გამართა. ამის შესახებ ინფორმაციას დაცვის პოლიციის დეპარტამენტი ავრცელებს.

მათივე ცნობით, გიორგი ბაგრატიონმა რეგიონალური სამმართველოების ხელძღვანელებთან მიმდინარე, ასევე სამომავლო პროექტები განიხილა და თანამშრომლებს შესაბამისი დავალებები მისცა.

„სამუშაო თათბირების შემდეგ, გიორგი ბაგრატიონი დაცვის პოლიციის მიერ დაცულ სტრატეგიულ ობიექტებზე მივიდა, თანამშრომლებს შეხვდა და ადგილზე მიმდინარე სამუშაო პროცესს გაეცნო.

დეპარტამენტის თავმჯდომარე ასევე რეგიონში განთავსებულ საკარანტინე ზონებთან მივიდა, რომლებსაც დაცვის პოლიციის თანამშრომლები იცავენ. აღსანიშნავია, რომ შსს-ს დაცვის პოლიციის დეპარტამენტი კორონავირუსის პანდემიასთან ბრძოლის პროცესში პირველივე დღიდან ჩაერთო და ქვეყანაში არსებულ საკარანტინე ზონების და კოვიდ სასტუმროების უსაფრთხოების დაცვას ახორციელებს“, – აღნიშნულია ინფორმაციაში.

ვირუსის ბლოკატორები
წინა სტატიაშიჭყონდიდელმა მიტროპოლიტმა მარტვილის საავადმყოფოში დაშავებული ჟურნალისტი მოინახულა
შემდეგი სტატიამორიგი ქეიფი კომენდანტის დროს – “ოცნების” დეპუტატის და, მეგობრებთან ერთად, “დაინიგ რუმსში”