დაანონსებული სპეცოპერაცია “რუსთავი 2”-ში -გვარამია ინფორმაციის არსებობას ადასტურებს

news
ავტ.: news ოქტომბერი 4, 2016 10:42

დაანონსებული სპეცოპერაცია “რუსთავი 2”-ში -გვარამია ინფორმაციის არსებობას ადასტურებს

სამაუწყებლო მომპანია “რუსთავი 2”-ის გენერალური დირექტორი ქრონიკა პლუსის რედაქტორის მიერ გავრცელებულ იმ ინფორმაციას ეხმაურება, სადაც ელისო კილაძე აცხადებს, რომ “რუსთავი 2”-ის შენობაში დღეს ან ხვალ სპეც ოპერაცია ჩატარდება. ნიკა გვარამია ადასტურებს, რომ სპეცოპერაციის შესახებ ინფორმაცია მანამდეც არა ერთხელ ყოფილა, თუმცა იმედოვნებს, რომ ძალოვანები მსგავსი აბსურდულობისგან ამჯერადაც თავს შეიკავებენ.
“ასეთი ინფორმაცია ბევრჯერ მოსულა ჩვენამდე, რომ აპირებდნენ სპეცოპერაციას იმ კრიტიკულ ვითარებებში, მაგრამ ეს ვერც ერთხელ შეძლეს. იმედია, რომ საღი აზრი ახლაც ეყოფათ და თავს შეიკავებენ ამგვარი სისულელისგან. რაც შეეხება ნარკოტიკების მოხმარებას და გასაღებას, ჩვენ ვებრძვით ნარკოტიკების მოხმარებას სამუშაო საათებში, სხვა ჩვენი საქმე არ არის და ამაზე ინფორმაციასაც ვერ მოვიპოვებთ. თუ თრობის ფაქტები გამოვლინდა სამუშაო საათებში, ასეთი თანამშრომელი ავტომატურად, ყოველგვარი გაფრთხილების გარეშე ემშვიდობება სამსახურს, რაც შეეხება გასაღების ფაქტებს, წერტილოვნად ეძებონ, გამოავლინონ, მითუმეტეს თუ ეს ჩვენი ტერიტორიის მიმდებარედ ხდება, სადაც ყველგან კამერებია, ამოიღონ ეს ვიდე ჩანაწერები და ნებისმიერი თანამშრომელი, ვინც არ უნდა იყოს ის, ჩემით დასრულებული თუ ნარკოტიკებს ასაღებს, ის უნდა იყოს დასჯილი კანონის შესაბამისად, თავისთავად ცხადია,” -აცხადებს გვარამია.

news
ავტ.: news ოქტომბერი 4, 2016 10:42

Google სტატისტიკა


5,105
ვიზიტორი
დღეში
Powered By Google Analytics