Curatio-ს აღმასრულებელი დირექტორი მთავრობის გატარებულ ღონისძიებებზე – საქართველო არის უპირატეს მდგომარეობაში – არ გვქონია ეპიდემიის აფეთქება, ისე, როგორც ჰქონდა იტალიას, შვეიცარიას საფრანგეთს და ბევრ განვითარებულ ქვეყანას

თაიმერი timer.ge
ავტ.: თაიმერი timer.ge მარტი 20, 2020 16:37

Curatio-ს აღმასრულებელი დირექტორი მთავრობის გატარებულ ღონისძიებებზე – საქართველო არის უპირატეს მდგომარეობაში – არ გვქონია ეპიდემიის აფეთქება, ისე, როგორც ჰქონდა იტალიას, შვეიცარიას საფრანგეთს და ბევრ განვითარებულ ქვეყანას

რამდენად ეფექტურად იყო გატარებული ღონისძიებები, ამას თავად ციფრები ცხადყოფს, – ამის შესახებ პრემიერ-მინისტრთან შეხვედრის შემდეგ საერთაშორისო ფონდ Curatio-ს აღმასრულებელი დირექტორმა გიორგი გოცაძემ განაცხადა.

მისი თქმით, პრემიერთან შეხვედრაზე განიხილეს ჰოსპიტალური სექტორის მომზადების საკითხი და შეფასდა მოსალოდნელი დატვირთვები.

„საქართველო არის უპირატეს მდგომარეობაში სხვა ქვეყნებთან, იმიტომ, რომ ამდენი ხანი მოვიგეთ, ამდენი ხანი არ გვქონია ეპიდემიის აფეთქება, ისე, როგორც ჰქონდა იტალიას, აქვს შვეიცარიას საფრანგეთს, და ბევრ ძალიან განვითარებულ ქვეყანას.

ეფექტურობაზე და შედეგებზე თავად ციფრები საუბრობენ. მთავარია ახლა შემდეგი ეტაპებისთვის ადეკვატური მომზადება და ერთ-ერთი, რაზეც ვისაუბრეთ, იყო ჰოსპიტალური სექტორის მომზადების საკითხი და აქ იყო გარკვეული მოდელირება, რომ მოსალოდნელი დატვირთვები შეგვეფასებინა, რა შეიძლება იყოს და რა ვადაში“, – განაცხადა გიორგი გოცაძემ.

მისი თქმით, თვალნათლივ ჩანს, რომ ქვეყანაში დისტანცირებისა და თვითიზოლაციის მექანიზმი მუშაობს.

„ქალაქში რომ გაიაროთ, ნახავთ, რომ თვითიზოლაციის, სოციალური დისტანცირების მექანიზმი მუშაობს. ეს ეტყობა ქუჩაში მანქანების და ადამიანების რაოდენობას. საზოგადოება ამას ასრულებს. რა თქმა უნდა, გვაქვს გამონაკლისები“, – განაცხადა გიორგი გოცაძემ.

თაიმერი timer.ge
ავტ.: თაიმერი timer.ge მარტი 20, 2020 16:37

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


25,462
ვიზიტორი
დღეში
Powered By Google Analytics