ქუთაისში ორი სკოლა დისტანციურ სწავლებაზე გადავიდა. ამის შესახებ იმერეთის გუბერნატორმა ზვიად შალამბერიძემ განაცხადა.
როგორც შალამბერიძემ განმარტა, ვირუსი გამოუვლინდა მერიის საბინაო სამსახურის თანამშრომელს, რის გამოც უწყების ყველა თანამშრომელი თვითიზოლაციაშია.
“ინფიცირებული არიან ბავშვებიც, რის გამოც ქუთაისში ორი სკოლა გადავიდა დისტანციური სწავლების რეჟიმზე, ბავშვები და მასწავლებლები არიან თვითიზოლაციაში”, – ამბობს გუბერნატორი.
სულ იმერეთში დღეს კორონავირუსით ინფიცირების 44 შემთხვევა გამოვლინდა.
საქართველოში კორონავირუსის 578 ახალი შემთხვევა დადგინდა.
