„ხალხო, დებო და ძმებო, როდის უნდა მივხვდეთ, რომ ძალაუფლების კონცენტრაცია ერთი პარტიის, ერთი ჯგუფის, ერთი ადამიანის ხელში ბოროტებისკენ მიმავალი გზაა! აღარ დაიღალეთ?“ – ამ რიტორიკულ შეკითხვას საქართველოს პირველი პრეზიდენტის, ზვიად გამსახურდიას ვაჟი, ცოტნე გამსახურდია „ფეისბუქში“ სვამს.
„მეხუთე ათწლეული დავიწყე და ელემენტარულ პრინციპებზე ვერ შევთანხმებულვართ!“ – აღნიშნავს გამსახურდია და იქვე დასძენს:
„ახლა ერთი მუჭა უცხვირპირო ტიპუსები მიიღებენ „ქოცტიტუციას“ და კიდევ გაურკვეველი დროით ეს ქვეყანა ბიძინას იახტად იქცევა… დაიმახსოვრეთ ეს სიტყვები. ცუკერბერგი კი გაგვახსენებს, მაგრამ მაინც. ყოველი შემდეგი წელი უარესი და უარესი იქნება! შეგვრჩება მეტი განუკითხაობა, მეტი კორუფცია, მეტი უსამართლობა, მეტი ვალი ჩვენს მომავალ თაობებს და მეტი კაპიტალი ერთ მუჭა ყველაფრის მკადრებლებს ჩვენი გაღატაკების და დამცრობის ხარჯზე!“
