შეერთებულმა შტატებმა უკრაინას 69 მილიარდი დოლარის ჯამური დახმარება გაუწია, რაც მნიშვნელოვნად განსხვავდება აშშ-ს პრეზიდენტის დონალდ ტრამპის მონაცემებისგან. ამასთან, ევროკავშირის ქვეყნებმა 54 მილიარდი დოლარი დახარჯეს უკრაინის სამხედრო დახმარებაზე.
ამის შესახებ ნათქვამია შაბათს გამოქვეყნებულ CNN-ის სტატიაში, რომელიც ადარებს უკრაინას შეერთებული შტატების, ევროკავშირის წევრი ქვეყნებისა და ინსტიტუტების და სხვა ქვეყნების სამხედრო და ფინანსური დახმარების რაოდენობრივ მაჩვენებლებს.
CNN აღნიშნავს, რომ შედარებითი ინფოგრაფიკის მიზეზი იყო ტრამპის ადმინისტრაციის მიერ უკრაინისთვის სამხედრო დახმარების შეჩერება და აშშ-ის პრეზიდენტის ფართოდ გავრცელებული განცხადებები დახმარებაზე სავარაუდო დახარჯული 350 მილიარდი დოლარის შესახებ.
