რუსეთი ირანს ეხმარება გამოიყენოს უკრაინის წინააღმდეგ ომში შემუშავებული მოწინავე დრონების ტაქტიკა, ახლო აღმოსავლეთში აშშ-სა და სპარსეთის ყურის არაბული ქვეყნების სამიზნეებზე თავდასხმებისთვის.
ამის შესახებ CNN-ს დასავლეთის დაზვერვის წარმომადგენელმა განუცხადა. მედია აღნიშნავს, რომ ირანში შემუშავებული, მაგრამ რუსეთში უკრაინის წინააღმდეგ ომში გამოსაყენებლად მასობრივად წარმოებული Shahed-ის დრონები ეფექტურია სპარსეთის ყურის ქვეყნების საჰაერო თავდაცვის სისტემების შეღწევაში.
CNN-ის ცნობით, აქამდე რუსეთისა და ირანის სადაზვერვო ინფორმაციის გაზიარება სამიზნეების იდენტიფიცირებაში ზოგადი დახმარებით შემოიფარგლებოდა, თუმცა კონკრეტული ტაქტიკური რჩევების მიცემა მხარდაჭერის ახალ დონეს წარმოადგენს.
რუსეთი Shahed-ის დრონებს უკრაინის წინააღმდეგ იყენებს, მათ შორის ტალღისებურად, როდესაც რამდენიმე დრონი ერთად დაფრინავს და რეგულარულად იცვლის კურსს საჰაერო თავდაცვის სისტემებისთვის თავის არიდების მიზნით.
დასავლეთის დაზვერვის წარმომადგენელმა CNN-ს ასევე განუცხადა, რომ ჩინეთის მხარდაჭერა ირანის მიმართ ასევე შეშფოთების საგანია, თუმცა დეტალების გამხელისგან თავი შეიკავა.
