CNN ირანულ წყაროებზე დაყრდნობით იტყობინება, რომ აშშ-სა და ირანს შორის სამშვიდობო მოლაპარაკებების მეორე რაუნდი ორშაბათს, პაკისტანის დედაქალაქ ისლამაბადში გაიმართება.
მიუხედავად იმისა, რომ თეთრ სახლს შეხვედრა ოფიციალურად ჯერ არ დაუდასტურებია, პრეზიდენტი დონალდ ტრამპი დარწმუნებულია წარმატებაში. მისი განცხადებით, თეირანი უკვე დათანხმდა მაღალგამდიდრებული ურანის მარაგების დათმობაზე.
ტრამპმა გამოხატა რწმენა, რომ მხარეები საბოლოო შეთანხმებას მიაღწევენ, რაც რეგიონში სრულმასშტაბიანი ომის საფრთხეს მოხსნის.
პაკისტანი კვლავ რჩება მთავარ მედიატორად და მასპინძლობს პირისპირ მოლაპარაკებებს, რაც მხარეებს შორის ნდობის აღდგენის ერთადერთ გზად განიხილება.
მიუხედავად ოპტიმიზმისა, კვლავ ღიად რჩება ურანის მარაგების აშშ-ში ტრანსპორტირებისა და საზღვაო ბლოკადის მოხსნის საკითხები, რაც წინა რაუნდების დროს დავის საგანი იყო.
