The New York Times-ის ცნობით, CNN-მა პრეზიდენტობის დემოკრატი კანდიდატის – ჰილარი კლინტონის შტაბთან კავშირისა და დებატების დროს წინასწარ შეთანხმებული შეკითხვის დასმის გამო, პოლიტიკური მიმომხილველი დონა ბრაზილი სამსახურიდან გაუშვა.
ინფორმაცია ბრაზილის ქმედების შესახებ CNN-მა WikiLeaks -ის მიერ გამოქვეყნებული, კლინტონის შტაბის წევრის ჯონ პოდესტას გატეხილი ელ-ფოსტის წერილებიდან შეიტყო.
ტელეარხის ხელმძღვანელის ლოურენ პრატაპასის განცხადებით, მათ სერიოზული უხერხულობა იგრძნეს, როცა შეიტყვეს თავიანთი ჟურნალისტის კლინტონის შტაბთან ფარული კავშირის შესახებ, ამიტომაც ხელშეკრულება გაუწყვიტეს ჟურნალისტს.