CNN-ის ინფორრმაციით, ირანმა ქუვეითში მორიგი დარტყმა განახორციელა.
გამოცემის ინფორმაციით, ირანმა ქუვეითში ელექტროსადგურსა და წყლის გამამტკნარებელ ქარხანას დაარტყა.
ქუვეითის ელექტროენერგიის, წყლის რესურსებისა და განახლებადი ენერგიის სამინისტრომ განაცხადა, რომ ეს ბოლო ორი დღის განმავლობაში ქუვეითის ენერგეტიკულ ინფრასტრუქტურაზე განხორციელებული მეორე თავდასხმაა.
„ირანის აგრესიის შედეგად, ელექტროსადგურის ტერიტორიაზე ხანძარი გაჩნდა და ელექტრობლოკების უმეტესობა მწყობრიდან გამოვიდა“, – აცხადებს უწყება.
