ჩინეთი იაფფასიან რუსულ ქვანახშირს რეკორდული რაოდენობით ყიდულობს, მაშინ, როცა დასავლური ქვეყნები მოსკოვს უკრაინაში შეჭრის გამო გმობენ და სანქციებს უწესებენ, – ინფორმაციას CNN-ი ავრცელებს.
ტელეკომპანიის ცნობით, მარტი-აპრილის პერიოდში რუსეთიდან ჩინეთში ქვანახშირის ექსპორტი თითქმის გაორმაგდა და 4.42 მილიონ ტონამდე გაიზარდა.
CNN-ი განმარტავს, რომ ნახშირის მზარდი ვაჭრობა ორივე მხარისთვის ხელსაყრელია. ჩინეთი ორიენტირებულია საკუთარი ეკონომიკის გაუმჯობესებაზე და ელექტროსადგურებში გამოსაყენებლად და ფოლადის საწარმოებლად ქვანახშირი სჭირდება, რაც შეეხება დასავლეთის მიერ სანქცირებულ რუსეთს, მისთვის წიაღისეული საწვავის ახალი მყიდველები უკიდურესად მნიშვნელოვანია.